--Ads--
Nakemmeg dagiti uppat a babbai pakairamanan ti maysa a senior citizen iti panagsugalda itay alas dos dies iti malem idiay Barangay Margaay, Narvacan, Ilocos Sur.
Dagiti suspek ket agtawen iti innem a pulo ket pito, agtawen iti tallopulo ket innem, agtawen iti tallopulo ket walo, ken agtawen iti uppat a pulo ket uppat nga agpapada nga agnaed iti nasao a lugar.
Naaktoaan iti panagay-ayam ti mahjong dagiti suspek nga adda pustana isu a nakemmegda.
Naala kadakuada iti maysa a set iti baraha iti Mahjong tiles, maysa a mahjong pad, uppat a plastic a monoblock a tugaw ken P421.
-- ADVERTISEMENT --
Iti agdama ket addan iti kustodiya iti pannakabagi ti linteg dagiti suspek.
