Balligi nga insayangkat ti Ilocos Sur Police Provincial Office ti culminating ceremony iti panangrambak iti maika-31 a Police Community Relations Month, babaen iti panangidaulo ni Police Provincial Director PCol. Agosto Asuncion.
Maysa kadagiti tampok iti seremonia ti pannakaipaay ti Plaques of Appreciation kadagiti lokal a chief executive kas pammigbig iti napateg a suporta ken natibker a pannakibinnuligda iti PNP iti pannakaipatungpal ti community-oriented policing.
Nabigbig iti nasao a seremonia dagiti kameng ti PNP a nangipakita iti naisangsangayan nga akem, dedikasion, ken napateg a balligi iti panangipatungpalda kadagiti trabahoda.
Babaen iti tema a “Sa Bagong Pilipinas, Ugnayang Pulis at Mamamayan: Tapat, Maaasahan at Nararamdaman ng Bayan,” pinatibker manen ti PNP ti karida a papigsaen ti binnuligda iti komunidad babaen iti panagtalek, kooperasion, ken panagkaykaysa para iti maysa a natalged ken nakappia nga Iloos Sur.
