Impakaammo ti Department of Education (DepEd) a 312 a public schools idiay Bicol, CALABARZON ken Cordillera regions iti nakaru a naapektaran iti Super Typhoon Uwan.
Maibasar ti Situation Report manipod ti DepEd Disaster Risk Reduction and Management Services (DRRMS) ket umaboten iti 1,182 a classroom iti naaddaan ti minor damage, 366 iti majorly damaged ken 261 iti totally damaged.
Segun ti DepEd, ti nasao a bilang ket subject to validation kagiddan ti agtultuloy a panagawatda iti report manipod regional ken division offices.
Impasigurado ni Secretary Sonny Angara kadagiti naapektaran a komunidad nga agtalinaed a pokus ti DepEd ti immediate protection dagiti estudyante, mangisursuro, ken school personnel kasta payen ti panangsiguradoda nga agtultuloy iti panagadal apaman a sumayaat iti kondisyon.
Bignigbig ti DepEd iti Bicol, CALABARZON ken ti Cordillera Administrative Region (CAR) a kaaddoan iti bilang dagiti nadadael a classroom gapu iti impact iti Bagyo Uwan.
Impakaammo pay iti departamento a 5,572 a classroom iti 1,072 a pagadalan iti sangapulo ket maysa a rehiyon iti agdama nga agserserbi nga evacuation centers a pagdidiyanan dagiti displaced families.
