VIGAN CITY – Nagpalagip ni San Esteban Mayor Ray Elaydo II kadagiti sumali iti BOSS Ironman Challenge nga adda ti speed limit ordinance a naipatungpal iti nasao nga ili.
Iti pannaki-uman ti Bombo Radyo Vigan ken ni Mayor Elaydo, 30 kilometer per hour laeng ti nasken a kapaspas no lumabasda iti nasao nga ili.
Inlawlawag ni Elaydo a ti addang ket tapno masigurado a saan a mabalewala ti ordinansa a naipatungpal iti nasao nga ili sipud pay 1993 ngem naamyendaran laeng.
Nainget daytoy nga ipalpalagip ti mayor ta saannan kayat a maulit pay ti napasamak idi kallabes a pannaka-aksidente dagiti dua a simmali iti BOSS Ironman.
Nupay kasta, dagiti aglabsing ket mamuelta iti PHP100 para iti 1st offense; PHP150 para iti second offense; PHP200 iti third offense ken makumpiskar payen ti driver’s license da.
