VIGAN CITY – Maisagsaganan iti kaso a maipila kadagiti tallo nga agad-adal a nakemmeg iti buy-bust operation idi kalman ditoy siyuda ti Vigan.
Nabigbig dagiti nakemmeg a da Adrian Alconcel nga agtawen ti dua pulo ket maysa a taga- Magsaysay Village, Tamag, Vigan City; John Luke Vincent Gatulayao nga agtawen ti dua pulo ket maysa a taga – Tapao, Sinait kenni Aaron Francis Lauretta Barbadillo nga agtawen ti sangapulo ket siyam a taga- Patukannay, Bangued, Abra.
Segun ken ni Police Lt. Col. Fidel Junio, hepe ti Vigan City police station, dagiti suspek ket nabayagen a target da nga ipakatan iti anti-illegal drugs operation gapu iti pannakamonitor da iti iligal nga aramid da.
Naala kadagiti suspek ti tallo a dadakkel a sachet iti mapapati a napagango a bulong ti marijuana ken ti nagserbi a buy-bust money.
