--Ads--
Paingeten ti transport group Manibela ti tallo nga aldaw a transport strike-da manipod December 9 agingga 11 gapu iti mapapati nga aberya ken korapsyon iti LTO ken LTFRB a mangparparigat kadagiti jeepney driver ken operator.
Segun ken ni Manibela chair Mar Valbuena, nasurok makatawen a mapaspasaran dagiti driver iti kellaat a suspension ti lisensya, arbitraryo a demerit points ken multa ken kaadda ti payola wenno bribery iti sumagmamano nga opisina iti LTO.
Adu a driver iti saan a makatrabaho gapu iti nabuntog a processing iti dokumento ken renewal iti franchise.
Kinuna ni Valbuena a ti strike ket addang dagiti driver ken operator a mamin-ano a daras a saan a mapanpansin.
-- ADVERTISEMENT --
