3 ti nakemmeg iti napasamak a komosyon iti Barangay Namnama, Sinait, Ilocos Sur.
Dagiti suspek ket lalaki a pakairamanan dagiti dua nga agtawen iti tallopulo ket pito ken maysa nga agtawen iti tallopulo ket walo, agpapada nga agnaed iti Barangay Pacis.
Ti biktima ket lalaki nga agtawen iti duapulo ket maysa, agnaed iti Barangay Teppeng.
Nagreport ti biktima iti Sinait Municipal Police Station a napan isuna iti Gotohan iti nasao a lugar ket kabayatan ti kaaddana idiay, rimsua ti saan a nagkikinnaawatan iti nagbaetan ti biktima ken dagiti 3 a lalaki a customer met laeng.
Segun iti biktima, pinagtitinnulongan ida dagiti suspek a bugbugen, ken maysa kadakuada ti nangipak-ol kenkuana iti backpack a nagkarga iti natangken a banag, a nakadangran ti ulona.
Maysa pay a suspek ti nangigagara a nangibuyat iti napudot a goto iti ulo ti biktima.
Nagpapatang dagiti karaman iti police station ngem saanda a naguurnos ken nakasagana nga agidarum ti biktima.
