VIGAN CITY– Nagsanud ni 2nd district Congressman Eric Singson para iti 2019 mid-term elections ta idi kalman ket inpila nan ti withdrawal ti Certificate of Candidacy(COC) na ngem sukatan ti potot na a ni Christine Grace Singson Meehan kas subsititute candidate.
Saan met nga inbuksilan ni congressman Singson ti rason iti panagsanud na idinto a ti potot na a ni Meehan ket nagyaman iti ama na kalpasan iti panangpila na ti kandidatura na.
Kabayatana, dagiti dadduma pay a nagsanud ket da Eduardo Hermosona a taga Sta. Lucia kas bokal a ti mangsukat kenkuana ket ni Ceferino Genorilla a taga Suyo , Rogelio Lampitoc kas sangguniang bayan member ti Sinait ken ni Teddy Soller ti Cabugao nga agpapili a congressman ti 1st district gapu ta pagin-inanaen pay laeng ti doktor na .
