Umabot iti duapulo ket lima manipud kadagiti innem a pulo ket innem a timmaray iti kinasenador ti nakaipasan iti Statement of Contributions and Expenditures da iti Commission on Elections.
Segun ken ni Comelec Chairman George Erwin Garcia, 64 a partylist group manipud iti 155 ti nangipila iti SOCEda.
Adu pay ti saan a nakaipasa iti SOCE a timmaray iti national position iti 2025 midterm elections.
10,454 met manipud iti 41, 215 a timmaray iti local position ti nakaipasan iti SOCE ket manamnama nga ad-adu pay ti makaipasa ta saanen a mayatiddug ti deadline.
Ballaag ti Comelec, dagiti saan a makaipila iti SOCE ket mabalin nga agmuelta iti P1,000 agingga P60,000 ken mabalin a mapatawan iti perpetual disqualification iti ania man a posisyon ti gobierno.
