VIGAN CITY – Naipatungpalen ti 24 hour curfew idiay Saudi Arabia a kas pinasingkedan ni Bombo International Correspondent Lia Grey, maysa a chief nurse idiay Dammam, Saudi Arabia.
Ti naiyetnag a curfew ket manipud iti alas sais iti agsapa agingga alas tres iti malem.
No rumuar dagiti tao iti nasao a pagilian kas koma no mapanda gumatang kadagiti kasapulanda ket malimitaran laeng ti dua ti mapalubusan a rumwar, pakairamananen ti driver ti lugan ket maiparit dagiti ubbing a sumurot.
Kabayatanna, gapu iti lockdown ket adu dagiti naawanan ti trabaho isu nga adda ti innem a pulo a porsiento a tulong para kadagiti kompania a naapektaran ngem saan pay laeng nga insigida a maited.
Malaksid iti dayta ket umaboten ti 2, 975 ti kaso ti COVID idiay Saudi Arabia, 615 ti nalainganen ken 41 ti natay.
