232 non-teaching ken teaching personnel iti Department of Education Vigan City Division iti naipaayan ti free relaxation ken pampering bayat ti panagrambak ti National Education Support Personnel Day.
Ti selebrasyon ket naisayangkat idi May 16, 2025 kas mayataday iti pinirmaan a linteg wenno ti Republic Act 12178 ni President Ferdinand Marcos Jr.
Iti pannaki-uman ti Bombo Radyo Vigan ken ni Cherry Joy Discaya a Division Information Officer iti DepEd Vigan City Division, naisayangkat iti Glamoroso Day para kadagiti non-teaching ken teaching personnel wenno kadagiti administrative staff, utilities ken security personnel iti DepEd Vigan City Division babaen iti pannakaipaay kadakuada iti libre a panagpapukis, pannakamasahe, manicures ken pedicures.
Iti baet ti selebrasyon ket siguradoen ni Discaya a saan laeng nga iti dayta nga aldaw a naipaayan iti napintas a treatment dagiti nasao a personnel nu diketdi kanayon iti panangipakitada kadakuada iti nasayaat a galad ken panangipakita iti patas a trabaho.
