Umaboten iti 216 dagiti umili iti nakemmeg gapu iti panagbansagda iti bato, panagdadael iti sanikua, ken naguram iti pilid bayad iti protesta kontra iti korapsyon idi September 21, 2025.
Segun ti Manila Police District (MPD), immunan a naireport a 113 a bayolente a nagprotesta iti nakemmeg iti agduduma a lugar a kas idiay Ayala Bridge, Mendiola ken Recto.
Karaman kadagiti nakemmeg ket dagiti menor de edad a ti dadduma kadakuada ket nai-turn over iti Manila Reception and Action Center.
Kinuna ti MPD, dagiti nadunor a polis ket nagsagaba iti lacerations idinto a maysa a polis iti masapul a ma-admit gapu iti nasal fracture.
Dagiti dadduma ket naipan iti Philippine National Police General Hospital idinto a ti dadduma ket saanen a kasapulan pay a maospital.
Pinasingkedan ti Bagong Alyansang Makabayan (BAYAN) President Renato Reyes a ti grupo nga adda iti likodan ti komosyon idiay Mendiola ket saan a karaman iti grupoda, ta uray isuna mismo ket nadunor iti nasao nga insidente.
