VIGAN CITY- Ballaigi ti search operation nga insayangkat dagiti otoridad iti pagtaengan da Jomar Barroga Purugganan ,agtawen ti tallo pulo ket lima ken high value target idiay Sitio Pacpaco, Barangay Gaddani, Tayum, Abra babaen iti bileg ti search warrant nga inparuar ni Judge Raphiel Alzate ti Regional Trial Court Branch 1 , Bangued, Abra para iti panaglabsing iti Republiuc Act 9165 wenno Comprehensive Dangerous Drugs Act of 2002.
Naala kenkuana ti dwa pulo a sachet ti maatap a shabu, P17,860 a kuarta, sling bag a naglaon ti P81,000 a kuarta ,maysa a sachet ti maatap a shabu ken nadumaduma a drug paraphernalia, sabali pay ti maysa a caliber .380 nga adda ti magazine ken syam a bala na, tallo a bala ken dwa a magazine ti caliber 45 ken tallo a bala para iti 9mm .
