--Ads--
Insuko ni dati a senador Ramon Revilla ti duapulo ket maysa a paltog-na kadagiti otoridad idi simmuko iti Philippine National Police, segun ken ni Interior and Local Government Secretary Jonvic Remulla.
Simmuko ni Revilla iti PNP ken dimmalan iti booking procedures kalpasan a nagiruar ti Warrant of Arrest ti Sandiganbayan Third Division mainaig iti P92.8 milyon a maipagarup a ghost project idiay Bulacan.
Pinasingkedan ni Remulla a dagiti insuko ni Revilla a paltog ket pakairamanan ti pito a long firearms ken sangapulo ket uppat a short firearms.
Kabayatanna, karaman iti warrant ti Sandiganbayan ti pannakakemmeg dagiti innem nga opisial ti Bulacan 1st District Engineering Office.
-- ADVERTISEMENT --
