--Ads--
Impasigurado ti House of Representatives nga agbalin nga “El Niño-ready” ti P7.2 trilyon national budget para iti 2027.
Daytoy ket kasaruno ti pakdaar ti PAGASA a mabalin a pumigsa pay ti agdama nga El Niño ken agbalin a very strong iti panagleppas ti 2026.
Pinasingkedan ni House appropriations committee chairperson ken Nueva Ecija 1st District Rep. Mikaela Suansing a commitment ti Kamara a saganaan ti epekto ti El Niño kadagiti Pilipino.
Maipalagip a nagirekomenda ti Budget Amendments Review Sub Committee (BARSC) ti P116.32 bilyon a nayon a pondo para iti agduduma a programa kas panagsagana ti possible a nakaro nga El Niño a mabalin nga agtultuloy agingga iti umuna a paset ti 2027.
-- ADVERTISEMENT --
