Naaprubaran iti maikatlo ken maudi a pannakaibasa ti P6.793 trillion a 2026 national budget.
Sangapulo ket pito iti pimmabor, awan iti kimmontra ken awan iti nag-abstain iti pannakapasa iti third ken final reading iti 2026 General Appropriations Bill (GAB).
Awan met iti senador iti nangkwestyon iti national budget sakbay a nagbotosan iti plenaryo.
Kinuna ni Senate Finance Committee Chairman Sherwin Gatchalian nga sponsor iti 2026 national budget, napapigsa ti salinong iti 2026 GAB dagiti programa iti gobierno tapno matignayan ti kasapulan dagiti umili.
Napatibker pay iti proseso ti budget kontra iti aniaman a klase ti korapsyon isu a nata-transparent, disiplinado ken accountable.
Kabayatanna, manamnama inton December 11 a rugian ti bicameral conference committee ket maleppas inton December 13.
