--Ads--
Maisayangkat ti “Tsunami Run” iti siudad ti Vigan inton October 25, 2025 kagiddan ti World Tsunami Awareness Day iti Department of Science and Technology (DOST).
Iti pannaki-uman ti Bombo Radyo Vigan ken Provincial Disaster Risk Reduction and Management (PDRRM) Officer ti Ilocos Sur Rhon Arquelada, ti tsunami run ket kas met laeng iti fun run a pakipasetan dagiti umili tapno maipakaammo dagiti maaramid no adda iti tsunami.
Segun ken ni Arquelada, adda dagiti aktibidad a maisayangkat iti Plaza Burgos a pakaipakitaan dagiti equipment iti PDRRMO ken dadduma nga ahensia ti gobierno a maaramat no kas bilang adda ti didigra.
Allukoyenna dagiti umili nga agrehistro para iti nasao nga aktibidad tapno manayunan iti awareness-da maipanggep iti tsunami.
-- ADVERTISEMENT --
