Kinumpirmaran ti Department of Budget and Management a mairuar ita a tawen ti Fiscal Year 2023 performance-based bonus dagiti personnel iti Department of Education, pakairamanan dagiti mangisursuro.
Segun ken ni Budget Secretary Amenah Pangandaman, naragsak a mangipadamag kadagiti staff ti DepEd, aglalo dagiti mangisursuro, a nalpasen ti nainget a deliberasion, ket napaneknekan ida nga eligible a makaawat iti performance-based bonus para iti 2023.
Kabayatan ti plenary deliberations iti House Bill No 4058 wenno ti General Appropriations Bill, ti DBM babaen iti House Committee on Appropriations Chair Mikaela Suansing, ket kinumpirmaranna a ti Technical Working Group iti Executive Order No 61 ket nai-schedule inton umay a lawas, tapno pormal a mangiruar iti resolusyon a mangideklarar a ti DepEd ket mabalin a makaawat iti 2023 PBB.
Immunan nga inaprubaran ti Budget Department ti pannakairuar ti P1.64 billion para iti bayad ti 2023 PBB dagiti 110,688 a qualified officials ken employees ti Philippine Army.
