Nakitaan ti maipagarup a panaglabsing, awan ti resibo ken supporting documents ti naipasa a 2023 accomplishment reports ti Office of the Vice President mainaig ti confidential fund iti agtultuloy nga impeachment trial ni Vice President Sara Duterte.
Iti direct examination iti testigo ti prosekusyon a ni dati a COA state auditor Roderick Wamil, impakita ni House prosecution counsel Atty. Lorna Kapunan ti tallo nga accomplishment report ti OVP nga adda petsa na a Marso 30, 2023, Hulyo 11, 2023, ken Oktubre 9, 2023.
Ti nadakamat a dokumento ket in-stipulate pay ti kampo ti depensa.
Nakapirma iti tallo a dokumento ni VP Sara a kayat na a sawen nga inaprubaran mismo ti bise presidente dagiti linaon ti accomplishment report, segun iti testigo ti prosekusyon.
Pinasingkedan ni Wamil a naglaon ti umuna nga accomplishment report ti dua nga items a saan nga ‘allowed’ iti salinong ti Section 4.8 ti Joint Circular 2015-01 wenno iparit nga aramaten ti confidential funds.
