VIGAN CITY– Indauluan ni Presidente Rodrigo Duterte iti panaglukat iti 2018 Palarong Pambansa ditoy probinsya nga iti tema na ket “Championing the Spirit of Young Filipino Athlete”.
Iti panagsarita na ket ingunamgunam ti presidente iti kinapateg iti sports tapno maiyadayo dagiti agtutubo kadagiti iligal nga aktibidad kas iti iligal a droga ken agserserbi ti Palarong Pambansa a pagsanayan dagiti sumarano a lider iti pagilian.
Engrande iti opening program agsipud ta naipabuya dagiti nadumaduma a performances pakairamanan ni Kuh Ladesma ken Bituin Escalante nga isu iti nagkanta iti “Lupang Hinirang”.
Indauluan met ni Gabriel Moreno, maysa nga olympic games gold medalist, ti lighting of frienship cauldron.
Nakipagpaset pay dagiti sikat nga sports personalities a kas kadagiti Efren Bata Reyes, Onyok Velasco, Paeng Nepumuceno ken Hidilyn Diaz.
