200K nga indibidual, naapektaran iti bagyo Basyang

Umabot iti nasurok 200,000 nga indibidual ti naapektaran iti bagyo Basyang ditoy pagilian, maibasar iti Department of Social Welfare and Development.

Katukad daytoy ti nasurok 81,000 a pamilia manipud kadagiti 637 a barangay.

Umabot iti nasurok 94,000 nga indibidual wenno katukad iti nasurok 27,000 a pamilia ti agtaltalinaed kadagiti nasurok 500 nga evacuation center.

Nasurok 16,000 met nga indibidual wenno katukad iti nasurok 4,000 a pamilia ti agtaltalinaed iti ruar dagiti evacuation.

Umabot met iti 27 million ti naited a humanitarian assistance kadagiti naapektaran iti bagyo.