--Ads--
Inikkat ni Agriculture Secretary Francisco Tiu Laurel Jr. ti danag a maaddaan iti 20 percent reduction wenno panagbaba iti produksion dagiti mula kangrunaan iti irik gapu iti ingingina ti presio ti ganagan ken agtultuloy a krisis iti langis.
Segun ken ni Laurel, ikonsidera latta ti opisial nga adda posibilidad a maksayan ti produksion ti irik gapu iti agdama a sitwasion.
Kinunana a saan a nasken daytoy a pakadanagan iti agdama ta adda oversupply ti bagas kadagiti adu a pagilian kas ti India ken Vietnam nga agdama nga adda iti harvest season.
Malaksid dayta, amin a warehouse ti National Food Authority ken napunno pay laeng ken napintas ti apit iti agdama.
-- ADVERTISEMENT --
