Dua a Pilipino ti nadunor iti agsina nga insidente idiay Kuwait ken United Arab Emirates bayat a kumarkaro ti tension iti nagbaetan ti US ken Israel kontra iti Iran.
Segun ken ni Department of Migrant Workers secretary Hans Leo Cacdac, maysa a Filipina iti restaurant idiay Kuwait International Airport ti nagsagaba ti “very minor injuries” kalpasan a natamaan ti debris manipud iti drone strike.
Idiay UAE met ket pinasingkedan ti UAE Ministry of Defense a karaman ti maysa a Pilipino iti limapulo kt walo nga indibidwal ti nagsagaba ti minor injuries kalpasan a matamaan ti Iranian drones dagiti sumagmamano a civilian areas.
Kabayatanna, nagbalaag ni Presidente Ferdiannd Marcos Jr. kadagiti OFW nga agtalinaed iti natalged a lugar bayat a maiur-uray ti gundaway a makabakwit ken makipaset iti panawagan para iti ceasefire iti rehiyon.
