Dua a tattao iti natay iti pannakatinnag ti maysa a construction crane iti maysa a highway idiay Samut Sakhon, suburb iti Bangkok, maysa nga aldaw laeng kalpasan iti maysa nga aksidente iti crane idiay north-eastern Thailand a nakatayan iti tallopulo ket dua a tattao.
Ti crane iti nangtupak kadagiti sumagmamano a lugan pakairamanan dagiti naipurwak a debris iti aglawlaw.
Maipalagip a maysa a crane met idiay Nakhon Ratchasima iti naitupak iti aggar-garaw a tren a gappuanan iti pannakatay iti tallopulo ket dua a tattao ken pannakadunor iti innem a pulo nga indibidual.
Agpada nga imatmatonan ti Italian-Thai Development a maysa a kadakkelan a construction companies idiay Thailand dagiti nasao a proyekto.
Kinuna ni Thai Prime Minister Anutin Charnvirakul a tutokan dagiti otoridad iti mapapati a panangbaybay-a iti konstruksuon kasaruno iti aksidente a napasamak.
Impakaammo pay ti State Railway of Thailand ti plano a pannakaipila ti kaso kontra iti Italian-Thai Development.
