Dua a piloto ti natay kalpasan a dimmungpar ti maysa nga Air Canada Express nga eroplano iti maysa a fire truck iti runway ti LaGuardia Airport idiay New York.
Ti insidente ket napasamak bayat nga ag-landing ti Flight AC8646 manipud Montreal a patpatarayen ti Jazz Aviation.
Dagus a naipaserra ti airport ken nagiruar ti ground stop ti Federal Aviation Administration (FAA), a nagresulta ti pannaka-kanselar wenno panag-divert ti nasurok 500 a flights a mapan idiay JFK ken Newark airports.
Nakaro a nadadael ti cockpit ti eroplano bayat nga im-imbestigaran ti FAA ken National Transportation Safety Board (NTSB) no apay nga adda ti fire truck iti runway iti oras ti landing.
Agtultuloy ti imbestigasion tapno maammuan no operational error, miscommunication ken dadduma pay ti rason ti insidente.
