Nadunor dagiti dua a drayber iti napasamak nga aksidente iti national highway ti Barangay San Jose, Narvacan, Ilocos Sur.
Karaman iti aksidente ti maysa a Yamaha Aerox a motorsiklo a minaneho ti agtawen iti duapulo ket uppat, taga-Barangay Suso, Sta. Maria, kinalubbonna ti agtawen iti duapulo ket uppat a taga-Barangay Tangaoan.
Kabayatanna, ti met maysa pay a motorsiklo a Euro 125 ket minaneho ti agtawen iti limapulo ket pito a security guard, taga-Bulanos, Narvacan.
Naggapu iti maysa a fast food chain ti Aerox a motorsiklo a mapan koma iti northbound lane ti national highway.
Ti met Euro motorcycle nga agdaldalyasaten iti agpa-amianan a direksion ket pinadasna ti agpreno ngem naidungpar latta iti kannawan a paset ti Aerox.
Natukkol ti kannawan a clavicle ti drayber ti Aerox idinto a nadunor ti nadumaduma a paset ti bagina ti drayber ti Euro.
