--Ads--
Umabot iti sangapulo ket siam a bagyo ti mabalin a sumrek iti Philippine Area of Responsibility sakbay nga agtapos ti tawen.
Segun ken ni weather specialist Joey Figuracion, manamnama nga adda dua agingga tallo a bagyo iti kada bulan manipud Hulyo agingga Nobiembre, ken maysa agingga dua inton Disyembre.
Kakaisuna a ni pay laeng bagyo Auring pay laeng ti nakastrek iti Philippine Area of Responsibility ita a tawen a dagus met laeng a nalusaw.
Ballaag ni Figuracion a nangato ti posibilidad ti landfall kadagiti sumarsaruno a bagyo.
-- ADVERTISEMENT --
Uray no saan pay a naglandfall, posible a mapapigsa ti habagat, nangruna iti bulan ti Hulyo agingga Oktubre.
