In-revoke ti Land Transportation Office (LTO) ti lisensya dagiti sangapulo a bus drivers ken walo a conductor manipod dua a major bus companies kalpasan a nagpositiboda iti panagaramat iti illegal a droga.
Segun ken ni LTO Chief Vigor Mendoza II, ti dusa ket naiyetnag kas mayataday iti Republic Act 10586, ti Anti-Drunk and Drugged Driving Act, ken Republic Act 4136, ti Land Transportation and Traffic Code a mangiparit ti maysa a tao iti panag-operate iti maysa a motor vehicle nga adda impluwensyana ti illegal a droga.
Segun ti LTO, sangapulo a bus driver ken innem a conductor iti Victory Liner iti nagpositibo iti illegal drugs idinto a dua a conductor manipod Solid North Trasportation Incorporated iti narevoke ti lisensyana kalpasan a nagpositibo ti test-da idi May 5.
Kinuna ni Mendoza a dagiti nasao a bus employees ket permanenten a disqualified manipod iti panag-apply ti driver’s license.
Inyetnag ti LTO ti security measures a mangtarget iti public transport drivers kasaruno iti agsasaruno a fatal roach crashes.
Idi laeng Abril ket inrevoke ti LTO ti lisensya dagiti siam a pulo ket walo a bus driver gapu iti agduduma a road safety violations ken sabali pay a 1,100 a motorsita iti nairuaran ti show-caused order.
Kabayatanna, agtultuloy latta ti LTO iti panangisayangkat ti random drug testing iti public transport drivers kas paset ti road safety intiatives.
