--Ads--
Nagswek ti maysa a bassit a passenger plane a kukua ti Saurya Airlines idiay Nepal ta nauram bayat ti panag-take off na manipod Kathmandu capital a nakatayan dagiti sangapulo ket walo a tattao a naglugan ken nakalasatan ti kapitan.
Segun ken ni Tek Bahadur Poudyal a spokesman para ti Tribhuvan International Airport, ti laeng kapitan ti naisalakan isu a maag-agasanen iti ospital.
Kinuna dagiti opisyal, ti 50-seater plane ket nagilugan ti dua a crew member ke 17 technicians nga agturong para ti regular maintenance idiay new Pokhara airport.
Naammoan a dagiti sangapulo ket walo a naglugan ti CRJ-200 aircraft ket agpapada a Nepali citizens ken maysa nga engineer manipod Yemen.
-- ADVERTISEMENT --
