--Ads--
Mapapati nga aglemlemmengen dagiti 18 a nagpabigbig a dati a suldado a nagserbi a bagmen para ken ni dati a Cong. Zaldy Co gapu iti pangta iti seguridad, segun iti grupo a mangsupsuporta kadakuada a United People’s Initiative, a buklen dagiti dati a military official ken personnel.
Segun ken ni secretary-general ti grupo a ni Rey Valeros Jr., mapapati a nakaawat iti pangta iti seguridad dagiti 18 nga indibidual kasaruno ti panangibutaktakda a nangipatulodda iti minaleta a gatad para kadagiti dadduma nga opisial ti gobierno.
Naaramid dayta a saritaan kalpasan a saan a nagparang dagiti 18 a dati a suldado iti awarding ceremony ti UPI iti San Juan City, idi kalman.
Naituding koma ti pannakapadayawda gapu iti panangibutaktakda kadagiti anomalia.
-- ADVERTISEMENT --
