Pinasingkedan ti Bureau of Immigration (BI) a nagsublin iti pagilian dagiti sangapulo ket pito a Pilipino a biktima iti human trafficking a naipa-deport manipod Malaysia ken dimteng idiay Zamboanga City idi October 25 a naglugan iti MV Antonia.
Naammoan iti BI a karaman iti grupo iti maysa a pamilia nga uppat ti miembrona, a maysa nga ama, ina ken dua nga anak a lalaki a narecruit idi 2023 ken pimmanaw iti pagilian babaen ti maysa nga illegal immigration a masansan a nasikat kas ruta ti backdoor manipod Jolo, Sulu babaen ti speedboat.
Segun ti BI, ti ama ket nakarian iti trabaho kas maysa a mannalon iti plantasyon iti maysa a palm oil idiay Malaysia nga agsueldo iti 2,000 Malaysian Ringgit kada bulan.
Simmaruno ti pamiliana ngem nagkiddaw ti tulong kalpasan iti dua a tawen kalpasan a na-abuso manipod iti amona.
Kinondenar met ni BI Commissioner Joel Anthony Viado ti agtultuloy a pananggundaway iti southern maritime route dagiti human trafficker ken impaganetgetna ti kasapulan a panangpapigsa iti seguridad kadagiti nasao a lugar.
