--Ads--
Natay dagiti sangapulo ket pito a deboto kalpasan ti panagdidinnungpar dagiti mano a lugan iti kalsada a mapan idiay Mombasa, Kenya.
Segun iti pulisiya, napasamak ti aksidente idi pinadas ti maysa a truck driver nga ag-overtake iti sarsaronwen na pay a maysa a truck ngem napaay isuna a malabsan ti immuna a lugan.
Nagresulta daytoy iti agsasaruno a panagdidinungpar dagiti lugan, pakairamanan ti van a nagluganan dagiti pilgrim.
Nakipagladingit ni Mombasa Archbishop Martin Kivuva ken President William Ruto kadagiti pamilia ken komunidad dagiti biktima.
-- ADVERTISEMENT --
Segun iti National Transport and Safety Authority, nabigbig kas “black spot” ti paset ti nadakamat a kalsada no sadino nakapasamakan ti aksidente.
