VIGAN CITY-Gapu ta saan na a naaklon ti panagsina da ti rason no apay a binagkong ti suspek nga agtawen ti 16 ,maysa nga out-of-school youth iti dati a nobya na nga agtawen iti 14 a maysa a grade 9 student idiay Lingsat, Bantay.
Segun kenni SP03 Andrea Ponce, mangidadaulo ti Women and Children protection desk ti Bantay Municipal Police Station (MPS) , sakbay iti napasamak ket adda ti saan a nagkinnaawatan dagiti dwa a menor de edad a nagtinnag iti panagsina da.
Maibasar iti report, mapan kuma ti biktima ken dagiti dwa a kakadwa na iti spillway idiay barangay Lingsat idi nakita da ti suspek ngem saan a pinansin isuna ti biktima ket gapu iti dayta, inarakup ti suspek ti biktima ket dita a binagsol na a nakadonoran ti bukot ken barokong na.
Naitaray idiay Ilocos Sur Provincial hospital Gabriela silang ti biktima idinto a naglibas ti suspek ngem nakemmeg met laeng ket manamnama a maiturnover to idiay Department of Social Welfare and Development (DSWD)
