Sangapulo ket lima a mobile kitchens para ti disaster operation iti manamnama a maiwaras iti agduduma a field offices iti Department of Social Welfare and Development (DSWD).
Impaganetget ni Special Assistant to the Secretary for Disaster Response Management Group ken agdama nga officer-in-charge iti National Resource and Logistics Management Bureau Leo Quintilla a ti new normal ket nangipaay ti karit kangrunaan ti panangsango iti agduduma a klase ti didigra.
Babaen dayta nagaramid ti DSWD iti sabali pay a plano tapno nayunan ti capacity tapno makaresponde iti aniaman a sitwasyon.
Segun ken ni Quintilla, mobile kitchen ket agserbi ti hot meals iti limagasut a tattao tunggal meal.
Dayta ket mangtignay iti hunger issues iti internally displaced families bayat ti didigra pakairamanan dagiti agtaltalinaed iti ruar ken uneg iti evacuation centers manipod pre-emptive evacuation agingga post-disaster phase.
