VIGAN CITY – Dimmalan iti counseling ti lalaki nga agtawen iti sangapulo ket lima a mapapati a nangrames iti dua nga agtawen iti pito a babbai idiay Barangay Bulala, Vigan City.
Segun ken ni Vigan City Social Welfare and Development Officer Cely Agcaraman, saan a mabalin a maikustodiya kadakuada ti suspek ta idi naidanun kadakuada ti nasao a banag ket saan met a kaar-aramid iti nasao a panagrames.
Naamuan nga idi Marso pay laeng a mapapati a napasamak iti panagrames ngem idi laeng napalabas a bulan a naipakaammo kadagiti otoridad idi nag-UTI dagiti biktima ket naiyistorya da ti inaramid ti suspek kadakuada.
Saan laeng a ti suspek ti kapatang ti CSWD ditoy syudad ngem ketdi pati ti nagannak na, kasta pay dagiti biktima ken dagiti nagannak da tapnu mailawlawag kadakuada iti pasamak ken ti proseso a dumalanan iti nasao nga isyu.
