Pinasingkedan ti Department of Foreign Affairs (DFA) a balligi ken natalged a nakaawid iti pagilian iti sangapulo ket lima a Pilipino manipod Israel.
Tinulongan ida ti Department of Migrant Workers-Overseas Workers Welfare Administration team iti Embahada iti Pilipinas idiay Tel Aviv iti panagawidda babaen ti Ben Gurion International Airport.
Daytan iti maikadua a repatriation flight a sinimpa ti Embahada iti Pilipinas idiay Tel Aviv kalpasan a nagsubli ti normal iti operasyon iti Ben Gurion International Airport kasaruno iti ceasefire.
Naglugan dagiti Pilipino iti maysa a flight manipod Tel Aviv nga agturong idiay Bangkok sakbay a nayakar iti connecting flight iti Pilipinas a simmangpet idiay Manila idi Hunyo 5.
Segun ti DFA, manipod February 28 ket umaboten iti 235 a Pilipino a caregiver, hotel worker, menor de edad ken dependents, turista, pilgrim ken estudyante ti natulongan iti embahada tapno makaawid manipod Israel.
