Simmangpeten iti Pilipinas iti sangapulo ket uppat a Filipino crew a naglugan iti naabandona a Somali-flagged cargo vessel nga M/V Afadjad idiay Turkiye.
Isuda ket nairefer iti Department of Health (DOH) accredited hospital para iti psychosocial counseling.
Tulonganda ida ti Department of Migrant Workers (DMW) ken Overseas Workers Welfare Administration (OWWA) para iti legal assistance tapno maalada ti nabati a sueldo ken benepisyo.
Ti nasao a Pinoy seafarers ket immunan a na-rescue kalpasan a na-stranded iti barkoda nga awanen ti kuryente, awan iti mainom a danum ken awan ti taraon.
Ti barkoda ket naideklarar nga unfit to sail gapu ti engine failure ken napaay ti shipowner iti obligasionda.
Natulongan dagiti Pinoy crew members ti Philippine Embassy idiay Ankara ken Migrant Workers Office idiay Lebanon, para iti pleteda iti eroplan ken emergency financial assistance.
