Impakaammo ti Department of Education (DepEd) A 1,378 a pampubliko a pagadalan iti innem a rehiyon ti naapektaran kalpasan iti magnitude 7.8 a ginggined idiay Maasim, Sarangani idi June 8.
Segun ti ahensya, 8,740 a classroom iti naapektaran pakairamanan iti 5,378 a partially damaged, 1,774 iti nakaru a nadadael ken 1,588 iti totally damaged.
Nadadael pay iti 193 water, sanitation ken hygiene facilities.
Agtultuloy latta a suspendido ti klase iti 3,500 a pagadalan idinto a 5,590 met iti nakasublin iti normal nga operasyon kalpasan iti safety inspections.
Mapatta-patta a kasapulan ti DepEd ti P303 million para ti clean-up ken panangpasimpa kadagiti nadadael a pagadalan.
Iti agdama, P21.9 million iti naiwarasen para iti insigida a clearing ken repair operations.
Mangisaysayangkaten ti joint infrastructure inspections iti DepEd ken Department of Public Works and Highways idiay General Santos City ken Sarangani ken psychosocial support kadagiti naapektaran a lugar.
