VIGAN CITY – Sangapulo ket tallo a baro a kaso iti Covid19 ti nainayon manen ditoy probinsia isu nga itan ket umaboten iti siam a pulo ket dua ti total cases.
Ti maikawalopulo a pasyente ket agtawen iti duapulo ket uppat a babai a taga-Cuantacla, Cabugao, maysa a healthcare worker, asymptomatic, awan ti travel history-na ken adu dagiti nakapulapolna idinto nga idiay Brgy. Salomague ti ayan ti maikawalopulo ket maysa a kaso nga agtawen iti duapulo ket siam a babai, healthcare worker, awan iti travel history na ken adu met laeng dagiti nakapulapolna.
Ti maikawalopulo ket dua a kaso ket agtawen iti sangapulo ket lima a lalaki a taga-Paoa, Vigan City, locally stranded individual, asymptomatic, adda iti travel history na idiay Taguig City, nangato ti exposure na kadagiti lugar a narisgo iti Covid19 ngem limitado dagiti nakapulapolna.
Maysa nga agtawen iti tallopulo ket innem a lalaki a taga-Pagpandayan, Vigan City, driver, asymptomatic, adda travel history na idiay Baguio City, adda exposure na kadagiti high risk area ken limitado dagiti nakapulapolna.
Ti maikawalopulo ket uppat a kaso ket maysa nga agtawen iti duapulo ket tallo a babai a taga-Ansad, San Esteban, asymptomatic, adda travel history na idiay Antipolo, Rizal, nangato iti exposure na kadagiti high risk area ngem manmano laeng dagiti nakapulapolna.
Kabayatanna, ti maikawalopulo ket lima a pasyente ket agtawen iti tallopulo ket uppat a babai a taga-San Rafael, San Esteban, asymptomatic, adda travel history na idiay Carmen, Rosales, Pangasinan, adda exposure na kadagiti narisgo iti Covid19 a lugar ken manmano ti nakapulapolna.
Maysa nga ROF a babai nga agtawen iti uppat a pulo ket tallo a taga-Poblacion, San Esteban ti maikawalopulo ket innem a kaso, asymptomatic, adda travel history na idiay Kingdom of Saudi Arabia ken nakapulapolna dagiti OFW.
Nupay kasta, awan ti naipatungpal a community containment strategy ta insigida a na-isolate dagiti dua a pasyente
Ti met maikawalopulo ket pito a pasyente ket babai nga agtawen iti sangapulo ket siam a taga-Bulbulala, Santiago, asymptomatic, awan ti travel history na ken limitado dagiti nakapulapolna idinto a ti maikawalopulo ket walo a kaso ket agtawen iti duapulo ket walo a lalaki a taga-Caburao, Santiago, seafarer, asymptomatic, adda travel history na idiay United Kingdom ken Qatar, nai-expose kadagiti high risk area.
Asymptomatic, adda travel history na iti San Fernando City, La Union ti maikawalopulo ket siam a kaso a maysa a babai, agtawen iti duapulo ket siam a taga-Butol, Santiago, adda exposure na kadagiti high risk area ken limitado ti contacts na.
Malaksid ti dayta, ti maikasiam a pulo a pasyente ket maysa nga agtawen iti duapulo ket pito a babai a taga-Ag-Agrao, Sta. Maria, factory worker, asymptomatic, adda travel history na idiay Bataan ken Tarlac, nangato ti exposure na kadagiti high risk areas ken manmano ti nakapulapolna.
Manipud met iti Brgy. Callitong, Burgos ti agtawen iti duapulo ket pito a pasyente a lalaki a maikasiam a pulo ket maysa a kaso, asymptomatic, adda travel history na idiay Baguio, nai-expose kadagiti high risk area ken ti maikasiam a pulo ket dua a pasyente ket manipud iti Carcarabasa, Lidlidda, maysa nga estudiante a lalaki nga agtawen iti duapulo ket lima, asymptomatic, adda travel history na idiay Israel, naiexpose iti high risk area ken adu dagiti nakapulapolna.
