115 nga atleta, coaches, assistant coaches ken chaperon iti RIAA ti agtaltalinaed ita ti Billeting School a Bantay East Central School.
Iti pannaki-uman ti Bombo Radyo Vigan ken ni Ma. Cristina Presto a Master Teacher 1 iti nasao a pagadalan, nasayaat met iti panag-host ita iti Bantay East ta umanay iti classroom nga ar-aramaten dagiti atleta manipod iti agduduma a pagadalan iti probinsia.
Segun ken ni Presto, babbai laeng iti in-accommodate iti Bantay East ta dagiti lallaki ket iti Bantay West iti ayanda.
Siguradoenna iti kinatalged dagiti agtaltalinaed iti pagadalanda ta adda dagiti agbambantay a kameng iti Barangay manipod iti Zone 5 ken Zone 1 ken kasta met iti pannakitinnulong ti Barangay Mira, Cabaroan, ken Boquig nga isu iti agsisinnublat nga agbantay.
Ti nasao a panag-host da ket manipod March 20 agingga March 29 iti agdama a tawen.
