Natalged a naibakwit iti siudad ti Van idiay Turkey dagiti sangapulo ket maysa nga Overseas Filipino Workers (OFWs) manipud Iran iti tengnga ti kumarkaro a tension idiay Middle East, segun ti Department of Foreign Affairs (DFA).
Naisayangkat ti panagbakwit dagiti Pilipino babaen iti koordinasion dagiti Embahada ti Pilipinas idiay Tehran ken Ankara a nakaituding a maipagarup a makasubli da iti pagilian inton sumarsaruno nga aldaw,.
Impasigurado ti ahensia nga agtultuloy a tulongan da dagiti mapatta-patta a 800 a Pilipino nga agdama nga adda idiay Iran a kayat na a makaawid iti Pilipinas.
Nagbalaag met ti DFA kadagiti Pilipino nga agkasapulan ti tulong a dagus a makibinnulig iti Embahada babaen ti opisial nga hotline ken social media channels da.
