Mangideploy ti gobierno iti 10,000 nga school counselor associate kadagiti pampubliko a pagadalan kasarno ti insidente ti kinaranggas a nakairamanan dagiti agtutubo.
Segun ken ni Presidente Ferdinand Marcos Jr., agserbi a tarabay ken mangbalakad dagiti school counselor associate kadagiti estudiante a nakarikna iti bullying, mental health concern, ken dadduma pay a personal a parikut.
Kunana pay nga immado dagiti dakes nga impluwensia a sangsangwen dagiti agtutubo, agraman ti naranggas a video games, fake news, pornograpia, ken napeggad a linaon ti social media.
Gapu dyta ket nagpanawagan isuna iti gobierno, dagiti pagadalan, ken dagiti nagannak nga agtitinnulong tapno masalwadan dagiti ubbing, nangruna iti uneg dagiti pagadalan nga agserserbi a maikadua a pagtaenganda.
