Pinasingkedan ti Presidential Anti-Organized Crime Commission (PAOCC) a nasurok sanggasut a babassit nga illegal gambling operators ditoy Pilipinas ti kamkamatenda kalpasan a nasinasina iti babassit nga unit dagiti dadakkel a Philippine Offshore Gaming Operations (POGO).”
Segun kenni PAOCC spokesperson Winston Casio, masarakan dagitoy iti Luzon, Visayas ken Mindanao.
Bambantayan pay ti ahensia ti sumagmamano a Chinese ken Malaysian-Chinese nationals a mabalin a mang-finance kadagiti illegal gambling operations.
Inyunay-unay pay ni Casio kadagiti Pilipino nga agtagikua iti real estate a dagusda nga ireport dagiti mapapati nga illegal nga aktibidad kadagiti units nga abangan da.
Kabayatanna, kinuna ti pannakangiwat ti PAOCC a banbantayan da met dagiti Pilipino a nangikagkagumaan a mang-take-over ti scamming operations nga imbati ti international POGO.
