--Ads--
Isingsingasing ti House of Representatives ti gakat a mangingato ti annual paid leave dagiti empleyado manipud iti lima nga aldaw a mapan iti sangapulo nga aldaw.
Daytoy ket babaen iti House Bill No 6602 nga impila ni Parañaque City Rep. Brian Raymund Yamsuan.
Gagem ti gakat nga amyendaran ti Article 95 ti Presidential Decree No. 442 wenno Labor Code of the Philippines tapno i-ngato ti Service Incentive Leave (SIL) benefit.
Inallukoy ni Yamsuan ti Kamara a dagus a trataren ti gakat a makatulong tapno maikkatan ti stress iti trabaho ken mapangato ti produktibidad dagiti mangmangged.
-- ADVERTISEMENT --
