Immatangan da Pres. Ferdinand Marcos Jr. ken South Korean President Lee Jae Myung ti pannakapirma iti sangapulo a tulagan iti Pilipinas ken Republic of Korea.
Sakup dagiti katulagan ti depensar ken panaggatang dagiti alikamen iti military, suportar kadagiti war veterans, agrikultura, trade, panagpuonan ken napapigsa a kammayet iti ekonomia.
Karaman pay iti kooperasyon ti teknolohia, digitalization ken innovation, karamanen ti intellectual property wenno karbengan kadagiti imbensyon.
Nagtulag pay iti panagisuro ti sarita a Korean kadagiti pagadalan iti Pilipinas, panangpapigsa iti kammayet iti kultura ken panagtinnulong iti pulisya iti dua a pagilian.
Segun ti presidente, mangpatibker pay dagiti nagtulagan iti nabayagen a panaggayyem ken panagtinnulong iti Pilipinasken South Korea kadagiti sumarsaruno a tawen.
