--Ads--
Umaboten iti 10 ti pasamak ti indiscriminate firing ti nairekord ti Philippine National Police ita a holiday season.
Segun ken ni PNP Public Information Office PBrig. Gen. Randulf Tuaño, ti nasao a bilang ket manipud December 16 agingga December 26, ket 7 ti nakemmeg idinto a 3 ti nakalibas wenno masapsapul iti agdama.
Dagiti 7 a nakemmeg ket pakairamanan dagiti 4 a pulis nga adda ranggona a Police Master Sergeant, Police Staff Sergeant, ken patrolman.
Maysa met ti natay gapu iti stray bullet a nairekord idi December 25, pasado alas dose iti tengnga ti rabii idiay Tondo, Manila.
-- ADVERTISEMENT --
Ti biktima ket manarimaan ti inomna idi napuntaan iti naiwawa a bala, idinto a ti suspek a nabigbigen ket agtultuloy a masapsapul.
