Madanagan ni Senate Committee on Basic Education Chairman Senador Sherwin Gatchalian a maysa tunggal lima a nagturpos iti senior high school iti marigatan wenno saan a makaawat.
Iti panagdenggeg iti komitee, kinuna ni Gatchalian nga adda 18.9 million a Pilipino iti naikkat iti baro a depinisyon ti functional literate ngem karaman kadagiti nagturpos iti high school.
Segun ken ni Assistant National Statistician Adrian Cerezo, maibasar ti 2024 Functional Literacy, Education and Mass Media Survey, 79 percent iti senior high school graduates iti functionally literate idinto a duapulo ket maysa a porsiento iti nagturpos a saan a nalaing nga agbasa ken makaawat.
Maibasar pay iti panagdal, umabot iti 24.9 million a Pilipino nga agtawen iti sangapulo agpangto iti intero a pagilian iti adda parikot ti understanding ken comprehension wenno narigat a makaawat wenno marigatan nga agproseso iti ammo.
Ti nasao a bilang dagiti maawagan a functional illiterate a ti kayatna a sawen ket nalaingda nga agbasa ken agsurat ngem marigatanda a mangawat.
Nairekord idi napan a tawen ti 5.8 million a Pilipino iti maawagan a basic illiterates wenno dagiti tattao a no read, no write wenno saan a makabasa, saan a makasurat ken saan a makabilang.
