Maysa manipud iti kada lima a matmatay a tattao nga agsagsagaba iti Human Immunodeficiency Virus ket gapu iti tuberculosis.
Dakkel ti tyansa a makaptan iti TB dagiti Persons Living with HIV gapu iti nakapsut a resistensiada.
Ket no saan nga insigida a mataming ti TB, mabalin a mangitunda iti kumplikasyon wenno pannakatay.
Malilikan ti aggiddan nga impeksion iti HIV ken TB babaen iti regular TB screening, agtultuloy a panagtumar iti antiretroviral therapy, ken panagaramat iti Tuberculosis Preventive Treatment (TPT), nga adda kadagiti HIV care facility.
Iti baet ti panagbaba ti bilang dagiti matmatay gapu iti TB, nangato latta dagiti kaso ditoy pagilian.
Segun iti World Health Organization, maysa ti pagilian kadagiti lima nga adda kaaduan a kasona iti TB iti intero a pagilian.
Iti agdama, umabot iti nasurok 148,000 ti HIV cases iti pagilian, kaadduan ket kadagiti agtutubo.
