--Ads--
Insingasing ni Senator-Judge Juan Miguel “Migz” Zubiri nga isubli iti malem ti impeachment trial ni Vice President Sara Duterte tapno maaddaan ti naat-atiddog nga oras ti prosekusyon ken depensa iti panangidatag dagiti argumento da.
Kayat ni Zubiri a mapasamak ti session ti Senado iti alas-10 ti bigat ken rugyan ti impeachment trial iti alas-3 ti malem tapno saan a maitantan ti legislative calendar ti panagdengngeg.
Pinasingkedan ti senador a no maiyakar iti malem ti trial, ad-adu ti oras ti publiko nga agdengngeg ken agbuya ti trial ken mabalin pay a mapadaras ti buo a proseso.
Insingasing da Senator-Judges Pia Cayetano ken Camille Villar a trataren ti patangan iti maysa a caucus.
-- ADVERTISEMENT --
