--Ads--
Mapapati nga imet ti $100 million cryptocurrency wenno katukad ti P5.85 billion ni dati nga Ako Bicol Party-list Rep. Zaldy Co idi naglibas iti pagilian idi rimmuar iti isyu ti maanomalya a flood control projects idi July 2025.
Segun ken ni Department of the Interior and Local Government (DILG) Sec. Jonvic Remulla, ti nasao a gatad ket isu ti ar-aramaten ni Co iti panagakarna iti pagilian ta na-freeze ti credit card-na.
Kinuna ni Remulla a nasaganaan ni Co iti amin kangrunaan ti escape route ti kuarta a maaramatna.
Makikammayet iti gobierno iti Pilipinas idiay Sweden tapno masarakan ni Co.
-- ADVERTISEMENT --
Mapainget pay ti coordination iti gobierno kadagiti pagilian tapno ipa-red flag ti foreign passport ni Co.
